Shillong, April 05 : Chief Electoral Officer BDR Tiwari para koisey ki Thursday din te North Garo Hills district para Lok Sabha election nimitey Home voting suru hoijaisey.
North Garo Hills district te etu process tu April 08 tak chulibo.
Meghalaya te, ghor para vote dibole nimitey pura puri 6,106 electors register hoisey. Enaka 3,424 voters tu Shillong Lok Sabha seat laga 36 assembly segment te asey aro baki 2,682 voters tu Tura Lok Sabha constituency under te thaka 14 assembly segment te asey.
Election Commission of India (ECI) para sob manu ke election te shamil kuribole dibole nimitey etu kadam uthaisey aro juwa saal laga assembly election te bi enaka ekey exercise conduct kurisey.
Home voting(ghor te vote kora) tu political party, candidate aro election observers khan laga mojudgi te kurisey.
Rajya laga duita Lok Sabha seat te bi general election tu April 19 laga first phase te hobole asey.
Add Comment