SHILLONG | March 26, 2019: Opposition congress pora Tuesday te koise ki Parliamentary poll laga larai te BJP ahiya toh kinika hoile bhi Meghalaya laga congress kam nimede chamila eku nahobo kin toh tai khan laga vote bank toh sob milai kena ektam tagot pora khara kuri kena ase.
BJP samil howa ke toh Shillong Lok Sabha laga Congress candidate, Vincent Pala karne ekta komjori karne loise dhakise kintoh etu pora non tribal votes bhag kuri dibole parey.
Tuesday te congress MLAs, Rajya Sabha MP Wansuk Syiem aro MP candidate Vincent Pala kha meeting lowa biche te Khobor logot te kodha kuriya somoy te, Congress Spokesperson, HM Shangpliang pora koise ki BJP ahile bhi nahoile congress laga vote bank hotai ektam tagot pora khara kurile bhi eku nahoi aro BJP ahiya pora vote toh bhag kuribo koi kena nai.
BJP MP candidate, Sanbor Shullai pora elections somoy te dhakiya chamela sob biche te,khodom howa somoy te toh Bhai! Bhai! Hi ase koi kena kowa laga statement, jawab kuri kena Shangpliang pora koise ki congress proa etu toh public ke jalak kuriya ase koi kena jane.
Etu somoy te aro, congress Spokesperson pora bhi koise ki AICC president Rahul Gandhi pora ulap ake te announce kuriya laga NYAY (Minimum Income Guarantee Scheme) pora congress pora manu khan laga bhugi toh phal kuridibo.
Add Comment