Shillong | Aug 27, 2019: Meghalaya Democratic Alliance (MDA) khan meeting loikena manishe ekta four-member core committee Deputy Chief Minister, Prestone Tynsong logote milaikena Assembly Speaker laga post nimete candidate olabole karne candidate laga naam olabo.
Etu committee laga dusra members khan toh Tourism Minister and UDP MLA, Metbah Lyngdoh Regional Democratic Alliance (RDA), Agriculture Minister aro PDF MLA, Banteidor Lyngdoh United Progressive Front (UPF) aro Health and Family Welfare Miinister, Alexander Laloo Hek BJP ke represent kurikena ase .
Tuesday rati te meeting loikena Meghalaya Chief Minister and MDA chairman, Conrad K Sangma reporters khan ke koishe ki”Ami khan para core committee ke koishe ekta naam olabole nimete speaker post karne .Aro ami khan etu consensus candidate laga naam toh ami khan laga ahibole thaka meeting September 04 te janaidibo.”
Aro khobor dishe ki etu Speaker laga election toh ahibole thaka session te lobole ase .Aro tai koishe etu Business Advisory Committee (BAC) khan para etu election kitia lobole ase etu laga darek toh fixed kuribo.
Etia UDP Parliamentary Party leader, Metbah Lyngdoh para koishe party khan para MDA partners khan ke koishe etu candidate ke modot kuribole karne party aro RDA khan para etu speaker post nimete naam olaidiya pichede .
Tai koishe “Ami khan piche kuranai ami khan laga demand toh party ke speaker post dibole nimete .Ami khan etu case toh committee logote kotha kuribo.”
Tai khan hudah time te kun thaka UDP para candidate etu speaker post nimete compete kuribole karne.Tai koishe party khan committee ke hi etu naam toh kubo senior leaders khan logote kotha kura time te .
Add Comment