TURA | August 30, 2019: Mid Day Meal (MDM) scheme member laga members khan meeting loishe aro tai khan para Mid Day Meal cooks aro helpers school te thaka khan nimete Thursday din te remuneration khan uthabole kotha kurishe.
MDM cooks aro helpers khan ke khali Rs 1000 honorarium nishena pai ase.Etu association laga EGH section khan olop akhe te ekta meeting loishe Willianagar August 24 te tai khan laga salary laga kotha khan janaidibole nimete .
Etu meeting te Rongjeng, Resubelpara, Bajengdoba aro Songsak blocks laga representative khan ahise aro etu meeting toh association, laga president Mothila Sangma para loishe.
Etu association members khan manishe tai khan laga allowance uthabole karne demand kuribole aro tai khan etu toh state government logote bi kotha kuribole ase.
Etu association khan para poila te bi Chief Minister, Conrad K Sangma, Nongalbibra July 13, 2019 te meeting luwa time te kotha kurishe aro etu pichede aro bi ekbar Tura MP, Agatha Sangma, Williamnagar Aug 23 ke kotha kurikena tai ke etu te modot mangishe.
Association aro koishe ki tai khan Williamnagar Nov 16 te ekta general meeting lobole ase etu ladai kuribole nimete aro sob cooks aro helpers khan laga enrollment khan mangishe. general secretary, Armonica Momin koishe “Ami khan laga association aro dangor kuribole lageh”.
Add Comment