SHILLONG, March 2: Navy aro Army laga rescue team pora Friday te khobor korise ki Meghalaya laga East Jaintia Hills district te 370 feet gehera illegal coal mine te bhasikena thakiya 15 miners ke bisari kena 60 din bicchete operation jakka toh charidibo koise.
Navy aro Army pora local authorities ke tai khan dangor sahab laga aadesh hisab pora operation charikena jabole laga khobor toh hunai dise, operations spokesperson R Susngi pora kosie.
Hoilebi, National Disaster Response Force (NDRF), kono hatsa howa laga din December 31 pora shuru korikena rescue operation kori thakise, toh kam jalu kori thakibo.
“Etu operation khotom koribole laga ekko aadesh nai aro moi khan kam jalu kori thakibo,” Santosh Singh, Guwahati-based NDRF team laga Assistant Commandant pora PTI ke Friday te etu jakka pora koise.
Navy toh SDaturday te wapas jabo, etu operations spokesperson pora koise, etu bi milase ki dangor sahab laga aadesh pora Army khan bi charikena jabole ase.
NDRF laga rescue team logote Navy aro Army personnel pora etiya tak chinta laga bithor te panchta laash paise aro tweita toh olaise, officials khan pora koise.
District authority pora bhasi kena thakiya miners khan ke bisaribole twei mohoina ekdum mon diye kena kam koriya nimite, etu agencies khan ke congratulate aro salute korise.
District Deputy Commissioner FM Dopth pora bi mon boithor pora dhanyabad diya janai dise.
Thursday te, tweita wala laash toh Lumthari bosti laga ghor manu khan laga haat te dise, Susngi pora koise. Etu ekdum pujikena thakiya laash ke tai laga ghor manu khan pora tai laga kabra dekhikena jinise, tai pora koise.
Etu miners khan ke pajaibo laga operation toh desh te sobse lamba ekta ase aro besi agencies milaikena kam koriya ekta ase, tate Navy, Army, NDRF milai kena.
Etu 15 miners khan laga ghor manu khan ke district authorities pora Rs. 1 lakh laga interim relief dise.
Etu main laga hatsa pora pura desh ke asurit khelaise.
Add Comment