Meghalaya, February 9, 2025: Criminal Investigation Department (CID) khan para janai dishe ki, etu Shillong-Nongstoin-Rongjeng-Tura laga Rasta banabole laga jukai dea te. Taikhan aru time bishi lagibo koishe. CID khan para etu investigation toh uthai loishe koishe, yete Meghalaya laga Director General of Police (DGP), Idashisha Nongrang laga order loi kina.
Etu tarika investigation dibole laga toh kurishe koishe, yete 9 manu nishina upor te case toh filed kurea pichete. Yete Contractors, Senior Government Engineers aru Corporate Officials khan bi ase koishe yete. Taikhan etu Project te poisa khan dea laga toh uthai loa karne. Yete Media khan laga khobor hisab te, Investigation Bureau khan para etea etu tarika khan te sai ase koishe.
Etu project toh saal saal nishina nakuri kina thakhishe koishe, yete etu toh Rs 2,366.77 Crore nishina laga daam ase koishe. Yete rasta bana khotom kuribole laga toh 2014 laga saal te thakhishe koishe.
Etu toh September 2024 laga saal te, Chief Engineer of PWD (Rasta) para case filed toh dali dishe koishe,yete State Government laga tarika loi kina.
Add Comment