Meghalaya, November 15, 2024: Meghalaya laga North-Eastern Hill University khan duk pai ase koishe, Students khan para nutun appointments khan mana kurea nimete. Aru yete Vice-chancellor ke resignation agea lobi koi ase.
North Eastern Hill University Students Union (NEHUSU) khan para ja rati te koishe ki, Taikhan enika appointment khan lobole mun nai, Etu toh thanda panni, enika gorom te dalea nishina ase. Yete Vice-Chancellor Shukla para duito Pro Vice-Chancellors ke anibole laga toh mana kurishe.
Yete Prof Sherwin May Sungoh aru Prof Fameline K Marak, Pro VCs Shillong aru Tura Campuses kharne anibole laga toh naparea hoishe, etea protest ja nimete. Etu toh ninth din hoishe kali milai kina. Etu toh November 6 para Students khan toh hunger strike jai ase koishe.
Aru taikhan para VC ke koi kina, Taikina enika meeting khan loi ase, aru lukai kina enika tarika khan banai ase.
Etu Jamala para Campus khan nachulea hoishekoishe November 6 para, yete taikhan entry aru bahar ulabole laga rasta khan bi bon kuri dishe koishe.Yete duita Khasi Students Union aru North-Eastern Hill University Teachers laga Association khan NEHUSU’s khan ke mili kina, Administratrion khan ke protest jai ase koishe.
yete Chief Minister laga promise te, taikhan ke modot kuribole laga di kinabi, Protestors khan etu appointment ke bi mun punchea nai koishe, taikhan laga University management upor te.
Add Comment