TURA, Jan 16, 2019: Lok Sabha deh Citizenship Amendment Bill passed howah karni kelaaf kori thaga toh jai ase Garo Hills jaga deh. BJP led NDA government para plan kora ke kelaaf koribo karni sit-in-demonstration toh deputy commissioner of West Garo Hills (WGH) laga office agae deh korishe. AGHJAC laga banner pethor deh GSMC, FAF, Mother’s Union, AAYF, FKJGP, ICFS, AAYWS, AYC khan be kelaaf kora ke hesha thakise.
Movement time deh leaders khan deputy commissioner, Ram Singh logode be log korise aro tai khan state chief minister, Conrad Sangma logode debo karni memorandum dese.
Memorandum deh CM para joldi special Assembly session mathibole aro state manu khan laga demand toh Centre logode janaidebole laga ase.
JAC para kowah toh, Bill ke kenaga hoilebi namanibo aro demand toh pura-pori withdraw hoise.
CM logode memo deya deh koikena thaga toh, Rajya Sabha deh CAB toh passed hoise aro Act hoise koile region laga indigenous manu laga identity toh dekthari howah joijabo. State deh illegal migrants toh poila para dekthari hoikena ase.
NDA government logode Bill passed kora karni kelaaf kora toh 11 am para suru hoise aro 3 pm tak thakise. Etu Bill toh Act nahobo karni tai khan fight kori thakibole wada janaishe. Kelaaf kora time deh protesters para be Prime Minister, Narendra Modi laga effigy (putla) jolaishe.
Add Comment