SHILLONG | DEC 7, 2019: Lakyrding, Nongmensong November 29 para harijaikena thaka ekta 13 sal mota Rakesh Roy 4:00 PM nishena te harijaikena thaka toh etia tak bi police aro family members khan para paanai.
Nongmensong Police station te etu mota bacha laga family khan para December 1 te missing report file kurishe .Neighbours khan kuwa hisaab te tai ke last dikha toh tai laga resident campus te khela dikhishe hoilebi etu time para hi tai harikena thakishe okobi khobor napaikena ari etia tak tai ghor te wapas ahanai.Tai laga ama baba aro ghor manu khan tai ke bisari thakishe hoilebi tai laga khobor toh etia tak paanai.
Etu hadsaa hosa ase koikena ekta police source koishe ki ekta missing report file kurishe tai khan aro bi khobor paishe etu bacha hara laga khobor toh aro sob PCRs state bithor te thaka khan ke khobor dishe .
Etu chamela te chan bin chuli ase .Aro khobor pabole rukhi ase .
Add Comment