Shillong, January 14, 2026: Meghalaya laga health authorities khan para order de she, local market khan te mass pa khan ke testing kure bole, kunto Assam para supply ahea. Assam te report pai she ki mass khan te loha pa ase.
Official khan para koi she ki, Assam laga kumba mass te, loha (lead) pai she aro alak kumba heay loha pai she. Senior food safety officer para koi she ki, Food Safety Officer khan ke koi de she ki wholesale laga jaga, market aro entry points khan para samples jama kure bole, Meghalaya te. Aro utu sample khan toh laboratories khan te pathai kena bhal para testing kure be koishe.
Meghalaya laga beshe mass toh Assam aro Andhra Pradesh para ahea, manu khan laga demand toh punche bole. Government khan kam kurea ase mass pale kena borta kure bole. Food safety authorities khan para officers khan ke market te inspection toh kara kure be ko ase, aro Food Safety and Standards Act toh strictly enforce kure be ko ase.
Official khan para koi she ki, mass te eku be pai she koile toh, kunto manu khabole napa rea, etu khan sob bea kure debo, aro legal action lobo utu manu kun responsible ase.
Add Comment