Guwahati, December 13 : Ekta dangor kamyabi hasil kora mamla te, Meghalaya para Dubai ke 20 metric tons Khasi Mandarin orange supply kurisey.
Meghalaya Agriculture Minister Ampareen Lyngdoh para koisey ki poila te etu rajya para dusra desh te 1.5 million ton para loikina 2 million ton laga Mandarin orange supply kuribo aro “aji amikhan 20 Million Ton supply kora laga kotha kuri asey.”
Tai para koisey, “Etu kadam utha para amikhan laga kisan logotey ekta suraksha laga bhabna paida kuridib aro taikhan ke etu kobo ki amikhan ekey logotey agey baribo, amikhan ekey logotey benefit pabo.” Etu opor te tai para etu bi koisey ki kisan khan para aamikhan laga economy(rajya te poisa aha juwa kora) tu dictate kuribole asey.”
Lyngdoh para koisey, “Amikhan laga agey te ahibole thaka next sobsey dangor challenge tu natural kheti bari kora laga system te wapas jabole laga asey. Organic Mission ke bi pura kuribo lagey. Kheti bari kora laga community te, amikhan laga atma biswas tu wapas claim kuribo lagibo. Amikhan para amikhan laga kisan khan ke poisa laga modod diya, gyan diya ao ki ki kuribo aprey etu sob kuribo.”
Meghalaya laga Agriculture Secretary, Isawanda Laloo para koisey ki rajya laga baki khan para ekdam alag thaka agro-climatic condition para dikhai asey ki rajya tea lag alag fruit aro crops khan laga bisi variety asey aro amikhan tu etu khan para laab kamabole mon asey.
Etu event kuntu te Apeda aro Lulu group laga representative khan para attend kurisey etu te agricultural exports(kheti bari laga saman dusra desh te supply kora) ke behtar banabole nimitey milijulikina mehnat kora laga bi janaisey.
Megahalya rajya para etu akha kurikina asey ki ahibole homoitey etu number tu bisi baribole asey aro dusra desh khan bi Khasi mandarin orange te interested hobo.
Add Comment