Shillong, 25 March : Shillong te 7th Act East Business Show hoise, jun tu BBIN (Bangladesh, Bhutan, India, Nepal) aru ASEAN desh khan majot economic aru trade relation strong kuri jabo nimite ase. Itu event te 13 ta desh aru province pora dignitary khan ahi thakise.
Itu program te technology, agriculture, manufacturing aru tourism nisina important sector upor te focus kuri dise, aru Meghalaya laga economic hub hisab te thaka potential showcase kuri dise.
Chief Minister Conrad K. Sangma itu event laga impact upor te optimism express kuri dise, aru sorkar laga investment attract kura aru partnership develop kura upor te commitment reiterate kuri dise.
Tai koise ki itu effort khan Meghalaya laga $10 billion economy achieve kura laga goal te mila thaka ase. Tai policy reform, infrastructure development, entrepreneurship promote kura aru grassroots economic network develop kura nisina factor khan important thakibo koikena Meghalaya laga economic roadmap reshape kuribo paribo koise.
India laga regional development boost kuri thaka proactive stance bhi acknowledge kuri dise. Chief Minister koise ki Northeast region, specially Meghalaya, BBIN aru ASEAN desh khan majot economic tie-up strong kuribo te dangor role kuribo paribo.
Event te ekta important point raise hoise ki designated economic zone create kuribo lage, jate state aru international stakeholder majot targeted partnership develop kuri bo pare. Itu approach use kurile investment opportunity maximize kuribo paribo, tai koise.
Sorkar laga focus ase ki itu program pora bhal result ahibo aru Meghalaya international partnership leverage kuri economic growth drive kuribo, trade opportunity improve kuribo aru regional commerce te ekta dynamic player hisab te establish kuribo.
Add Comment