Meghalaya, 11 December : Meghalaya laga Deputy Chief Minister Prestone Tynsong Nongpoh-Umden-Sonapur (NUS) road construction laga shuruwaat officially launch kurise ekta ceremony te, juntu Umden, Ri Bhoi district te rakha hoishe.
NUS road construction duta phase te divide kora hoishe. Phase ekta Nongpoh pra Umden tak 20 kilometer laga stretch cover kuribo, aru itu karone Rs. 49.53 crore state laga road development plan te allocate kora hoishe. Phase duita Umden pra Sonapur tak 38.6 kilometer cover kuribo, aru itu PMGSY III Batch I under Rs. 47.20 crore fund pra support kora ase.
Road complete hobo piche intermediate 5.5-meter-wide lane thakibo, juntu commuters karone safety aru efficiency improve kuribo.
Foundation-laying ceremony te Deputy CM Tynsong state government laga commitment infrastructure improve kuribo nimite emphasize kurise. Itu project funding allocations details te, Rs. 1,100 crore state plan pra, Rs. 1,100 crore PMGSY pra, Rs. 400 crore Central Infrastructure Fund (CIRF) pra, Rs. 140 crore Rural Infrastructure Development Fund (RIDF) pra, aru Rs. 2,000 crore World Bank pra include kora ase.
Nongpoh laga MLA Mayral Born Syiem Chief Minister Conrad K. Sangma, Deputy CM Prestone Tynsong, aru baki stakeholders ke itu project reality banaibo karone heartfelt gratitude express kurise. Umsning MLA Dr. Celestine Lyngdoh, Nongpoh MDC Balajied Rani, aru Public Works Department (PWD) Roads aru Buildings laga senior officials bhi itu event te attend kurise.
Add Comment