Meghalaya, 9 September : Meghalaya government sanction kori dise Rs 6.17 crore support kuribo karone 10,346 Scheduled Tribe students khan ke Post-Matric Scholarship scheme under te 2024–25 academic session karone.
Itu funds second installment ase, juntu Centre laga Umbrella Scholarship initiative pora release kora hoise, aru itu professional, postgraduate aru doctoral programme pursue kora students khan cover kori thakise.
Directorate of Higher and Technical Education hisab te, pura 60,226 eligible applicants khan ke scholarship extend kuribo karone state ke total Rs 102.4 crore dorkar ase. Officials confirm kori dise ki Aadhaar aru bank account linkage te delay thaka karone, itu bar current disbursement limited hoi ekta fraction students porjonto he cover kora hoise.
Centre funds phase-phase te release kori thakise, aru state government bhi tai laga share release kuribo commit kori dise Chief Minister Conrad K. Sangma laga direction hisab te, jate sob beneficiaries khan cover hoi jabo.
Department add kori dise ki pending scholarships khan 2025–26 financial year laga latter half te distribute kora jabo.
Add Comment