Meghalaya police para inter-state heroin supply bust korise

Meghalaya, 26 August : Anti-Narcotics Task Force (ANTF), East Jaintia Hills District Police August 25 din Umkiang Police Patrol Post te ekta successful operation chalai dise, juntu te 137.86 grams heroin seize kori dise aru dui jon drug supplier ke arrest kori dise. Credible intelligence uporte, police ekta vehicle intercept kori dise juntu illegal narcotics Silchar, Assam pora Shillong loi ja thakise. Operation majot, Hajrat Umar (28), Kaliachak, Malda, West Bengal laga resident ke pakori dise, tai logot 11 ta soap box heroin paise, juntu illegal market te lagbhag Rs 60 lakh worth ase, aru duta mobile phone bhi seize hoise. Tai laga pichete, dusra inter-state drug supply te involve thaka Phulchand Ali, Lum Survey Ajmera, Shillong laga, bhi arrest hoise. Duita suspect khan dangor organised crime syndicate laga part thaka ase buli biswas kora jaise, juntu narcotics trafficking te involve ase. Case NDPS Act laga under te Lumshnong Police Station te register kora hoise, aru further investigation cholise. Police ANTF laga prompt action ke appreciate kori dise, juntu illegal drugs transport prevent kori dise itu region te.