Meghalaya: Ri-Bhoi te Tata para School bus ke mari dishe

Ri-Bhoi, February 20, 2026: February 19 laga phuzur te. School bacha ekjun toh murishe aru 7 manu nishina toh bia para jokhum hoi kina ase. Yete Clinker-Laden tata para Stationary School bus ke mari dishe koishe. Etu toh Meghalaya laga Ri-Bhoi District, Byrnihat te thakhishe koishe.
Etu jamala toh Phuzur 8 am homoi te hoishe. Etu toh 17th Mile te ase. Etu bus toh Mount Zion Academy khan laga ase koishe. Aru bus toh Students khan ke bukhibole rukhi thakhishe koishe. Police khan para koishe ki. Guwahati laga tata para School buske piche para mari dishe koishe. Aru yete 20 Students nishina khan toh Bus bitor te thakhishe koishe.
Yete 7 Students nishina toh bia para jokhum hoi kina, taikhan ke Guwahati te pathai dishe koishe Advance treatment nimete. Aru alak chutu jokhum hoa khan ke toh Byrnihat laga Primary Health Centre te pathai dishe koishe. Police para koishe ki. Ekta Student toh Maxwell Lyngdoh ase koishe. Tai toh tai laga jokhum para muri jaishe koishe Private Hospital para. Yete tata driver aru helper toh jaga jagate polai jaishe koishe. Yete Police khan para bisarea laga operation toh suru kuri dishe koishe.