Meghalaya, 19 August : Meghalaya sarkar entrepreneurs khan nimite alag-alag programme pora 1700 crore taka para beshi invest kori dise, Chief Minister Conrad K. Sangma koishe, aru self-help groups nimite support 2018 age 30 crore thaka pora aji 1000 crore taka para beshi uthi jabo koi janai dise.
CM RURALPRENEUR ’25 launch kori dise, jun duita din laga event ase, organise kori thakise PRIME Rural aru Meghalaya Basin Management Agency (MBMA) State Central Library, Shillong te. Sangma koishe ki itu initiative laga main uddeshya hoise rural enterprises celebrate kora aru entrepreneurial ecosystem ke aru dangor banai dibo.
Taike yaad kori dise ki Meghalaya laga entrepreneurial journey 2018 te shuru hoise Chief Minister’s Entrepreneurship Prize para, jun protimahina 1 lakh taka diya ja tou notun entrepreneurs encourage koribo nimite.
Sangma nijor struggle bhi share kori dise, jun taike 1990s te young entrepreneur thaka somoy business support system bilkul bhi thaka nai thakise Meghalaya te.
CM SELCO Foundation nisina organisations logot partnership praise kori dise, jun rural health centres solarise koribo nimite help kori ase.
Event laga prothom din te MoU signing, PRIME Rural B-B Catalogue release, cheque distribution MBMA-SELCO beneficiaries khan ke aru cultural programme rakha hoise.
Second din te networking workshops, UDYAM onboarding, business registration sessions aru ekta closing ceremony hobo.
Add Comment