Meghalaya: Sanfida Nongrum jaga pai she, India laga AFC Women’s Asian Cup Squad te

Shillong, February 22, 2026: Sanfida Nongrum kun Meghalaya para ase, tai history banai she, tai state laga first maiki ase kun India laga senior national football team te gushe bole pare she, tai AFC womens Asian Cup 2026 te khele bole karne select hoi she, kunto Australia te thake bole ase.  Coach Amelia Valverde para team khan laga nam toh February 21 te announce kure she koi she, tournament toh aha moina te shuru hobole ase koi she. Sanfida laga nick name toh Polly ase koi she, aro tai 20 sal ase, tai midfielder hesab te khele bole ase. Tai beshe dere hoi nai koi she, training camps te ja toh. Safida para Laitkor khan ke modok kure kena Meghalaya laga Womens Football League 2024 jetai de she, aro tai player of the tournament be pai she Misaka United karne, Karnataka Womens League 2025-26 te. Tai Indian Womens League laga Garhwal United club karne be khele thake she. Tai Bangalore United, Sports Odisha, aro Sirvodem SC khan karne be khele she koi she.