New Delhi: Tuesday te Meghalaya’s Hopewel Elias Higher Secondary School khan pora Bangladesh laga Krida Shiksha Prothishtan (BKSP) ke 1-0 pora harai di kena U-17 junior boys Subroto Cup football tournament chitise.
Box laga bahar pora Score kuri kena, Sangti Janai proa 32 minute te ekta goal dise. Bangladesh pora joldi wapas dibole kosish kurise hoile bhi Meghalaya goalkeeper Wanteilang Malngiang pora rokhai dise.
Etu tournament chitiya team khan Rs 4,00,000 pabo aro runners-up khan prize money Rs 2,50,000 pabo.
Pohila half te toh duita team bhi joldi score kuribole kosish kuri dhakise. Hopewel Elias Senior Secondary School phabna pora ake te jaise, aro Krida Shiksha Protishthan khan bura biswas individual skills te dhakise.
Bishi bhag match toh mid-field te khilise kintoh duita team pora bhi ball juji kena khilibole pariya nai.
Add Comment