Meghalaya SSA teachers khan salary diri huwa nimete khilaaf kurishe

TURA | September 26, 2019: Dadenggre section 4th SSA teachers khan salaries khan diri huwa nimete tai khan  khilaaf kurishe .

Etu complaint toh  June aro August moina laga salary diya diri huwa nimete ase .Affected teacher kuwa hisaab te Meghalaya laga pura state laga salaries toh  August 31 te sanction kurishe  aro etu  para  3 moina rukhikena thaka  salaries khan cover kuribole ase .Hoilebi etu sanction huwa pichede aro  disbursal huwa pichede  91 4th SSA teachers Dadenggre sub division khan etia tak bi due khan paanai.

Teachers khan koishe “Ami khan okobi idea khan thakanai kile ami khan laga salary toh rukhaikena ase hoilebi etu para ami khan ke dikdaar di thakishe.Aro ami khan poisa nathaka nimete dukh pai thakishe.”

Director of School Education and Literacy, A Ch Marak para sub division nimete sob milaikena Rs 32,76,000 sanction kurishe.

Teachers khan etia janibole lageh kile  tai khan laga salaries toh rukhaikena ase SDESO para  aro kile sub division khan dukh pabole lageh.

Tai khan hudise“Ami khan laga ghor manu khan ke khelabole lageh aro tai khan laga karcha dibole lageh aro koishe ami khan schools khan ke hikai ase daily.Ami khan poisa nathakikena kinika kuribo.”