Shillong, March 31, 2026: Meghalaya laga government para Rs 4.61 crore de she, State laga eri silk economy ke otha bole karne, etu logo te nutun infrastructure projects aro education measures khan be announce kure she.
Chief Minister Conrad K Sangma para E-RISE (Eri Rearing, Innovation, Spinning and Empowerment) programme toh launch kure she Ri-Bhoi district te, kunto 1,200 ghor khan ke eri pale de bole laga aim ase, 22 clusters betor te. Scheme laga aim toh sob value chain kara kure bole karne ase, eri puka palea para ruse bana tuk, palea manu khan laga income otha bole karne.
Scheme laga betor te, palea manu khan bhal kera kha laga pata seeds khan pabo, puisa laga modok be pabo, aro electric spinning machine khan be pabole ase. Training te be modok kure bole ase koi she, skills aro output khan bhal kure bole karne.
Officals khan laga hesab te, etu scheme laga modok te para, ekta sal te Rs 9.36 crore bana bole pare bo koi she, kunto investment laga double ase.
Add Comment