Meghalaya te 36 Eklavya Model residential schools

SHILLONG | Nov 17, 2018: Saturday te  Union Tribal Affairs Minister, Jual Oram koishe  Union Government  khan pora Meghalaya te  36 Eklavya Model residential schools khulibole ase .”ekta  Eklavya Model residential schools nimete  Rs 20 crore phekabole ase  ,”Oram  pora Wollaston Annexe St Anthony’s College te khula time te koikena janaishe .Aro khobor dishe ki sob milaikena  192  residential schools khan chuli ase desh te .Aro tai koishe 2 ta nishena school khan chuli ase  Samanda  East Garo Hills aro Umling  Ri Bhoi  te.”Ami khan bhabona kuri ase sob C&RC Block desh khan te residential schools khan khulibole karne  .etu te tribal population khan toh komti hoilebi 20000 manu nishena ase. Union Minister, pora kuwa hisaab te centre khan ekta situation bonabole mun ase  etu te manu khan alag alag jaka khan pora Meghalaya te pudibole karne ahe.”Etu school bona laga main objective toh  tribal students khan ke opportunity dibole nimete medical aro engineering courses khan pursue kuribole nimete  .Union Minister pora aro bi khobor dishe  centre khan pora  komti hoilebi  Rs 127 crore dishe infrastructure development nimete .Olop akhe te Chief Minister, Conrad Sangma pora  triple helix model laga length uporte kotha kurishe  .Etu pora state laga economy  uporte kotha khan kureh aro tai koishe Government, Educational  research institution aro industries khan milikena kuribole lageh.Etu nimete  research institution, educational institutions and Government khan mila mili kuribole lageh  .Tai koishe aro professors khan kun khan research work khan kurishe    education feild te  tai khan  sorkar khan logote ideas khan share kuribole lageh Education sector khan laaph pabole nimete .Aro khobor te janishe ki  St Anthony’s College laga annexure building bonabole nimete komti hoilebi   Rs 7 crore nishena jaishe.