Meghalaya te accident hoishe

SHILLONG, November 26, 2018:Meghalaya laga alag alag jaka laga raasta te accident huwa te 11 jun etu te 3 ta bacha jhokom paikena thakishe  . Mawlai Phudmuri te tai laga scooty girikena  Donald Dorphang  jhokom paikena thakishe.Etu huwa pichede tai ke  108 Shillong Base Ambulance pora Robert Hospital te luijiaishe  .Mohindro Roba, 32, i10 car te thaka manu jhokom paikena thakishe.Etu bi  tai laga gaari pora ekta  Maruti car  logote   Demsieniong Junction 02:28 am nishena laga lagi hoikena  .  Tai ke   etu huwa pichede 108 Lawmali Base ambulance pora  Civil Hospital te luijaishe . Sumer  laga Power House osor te huwa chamela te  Bacinus Malai, 31, aro Silvanus Malai, 29, khan accident hoikena jhokom paishe  .Etu bi  tai khan berai thaka Wagon R gaari toh achanak giri jaa karne  .Etu duijun ke  108 Umsning Base Ambulance pora Civil Hospital te luijaishe. Sohiong Bypass rd12:45 am nishena te  Shirowell Roy Jana, 23, accident hoishe  tai etu time te tai raasta laga ulta side te jaikena  nalaa te lagise .Etu manu jhokom paikena  tai ke ahke wala Sohiong CHC te luijaishe etu pichede Mawflang base 108 ambulance pora NEIGRIHMS te luijaishe .  Aro hit aro run case te ek jun manu Tarek R Marak 45 ke marishe  ekta gaari pora tai cycle chula time  Damalgre, Melim road te.Etu najana gaari mara pichede olaijaishe .Etu manu ke  108 Tura Civil Ambulance pora Tura Civil Hospital te luijaishe .Aro ekta chamela te  ICAR Highway te huwa te ekta  R Sangma, 33, accident hoishe tai bike chulai thaka toh giri jaikena  .Etu manu toh bishi biya pora jhokom paikena  108 Bhoirymbong Ambulance pora Civil Hospital Shillong te luijaishe .M ylliem, Lad Lyngkien te huwa aro ekta chamela te ekta mota  Suraj Guri, 17 Scooty ( ML05 R 2466) pora Tourist Etios vehicle ( MLO5L 8851), te maridiya pichede  accident hoishe .Etu manu jhokom paa nimete 108 Sohiong Ambulance pora  Civil Hospital Shillong te luijaishe .Aro ekta chamela te ekta chokra Andy Kharsati, 5, Ribhanisha Kharsati, 15, Ms Rihana Kharsati, 11, accident hoishe tai khan berai thaka Maruti gari overturned kura time te Pomlahier te.Etu tinta manu ke  108 Mawryngkneng Ambulance Mawryngkneng CHC te luijaishe.