TNT News | Shillong, Sep 27, 2018: Shillong JN Sports Complex, Polo Wednesday te mukh pora jakara kuri thakikena football khelari khan majhotte mara mari hoikena duita chokri khan jhokom hoishe . East Garo Hills Rongjeng laga contigent thaka toh etu duita maiki toh state level under-15 Subroto Cup JN Sports Stadium te etia Shillong Civil Hospital te treatment kuri ase.kunba saa manu khan kuwa hisaab te ekta maiki aro mota khan laga group 7:30-8pm majhotte dinner kuri thakishe etu time kunba players khan pora dhamali kuri thakishe dusra players khan logote.Etu huwa pora jakara olaishe aro etu pichede mara mari hoishe etu time te duita maiki jhokom paikena thakishe .Ek jun maiki ke toh tai laga peth te marishe aro dusra toh chotu motu jhokom paishe.Etia SP (City) Steve Rynjah ke kotha kuwa time te koishe etu chamela eman dangor bi nohoi manu khan kuwa nohoikena .tai pora koishe fight toh hoishe hoilebi koishe etu mara mari huwa toh etu duita maiki group pora aro etu kotha kunba maiki khelari ke mota khelari pora marishe koikensa .”Etu toh juwam khelari khan majhotte huwa ase aro medical report hisaab etu duita maiki toh etia thik thak ase aro jhokom okobi biya ola huwa nai ,”tai koikena janaishe .Tai aro bi kobor dishe ki etu chamela te etia tak okobi FIR kurikena nai.Etia Sports department khan koishe etu toh eman dangor chamela thakanai khelari khan majhotte .Hoilebi achanak pora etu chamela chotu motu chamela thakishe hoilebi pichede dangor hoi jaishe .Etu eman serious thakanai ,Ami khan pora khelari khan logote kotha kurikena etu chamela khotom kurishe .”Source khan koikena janaishe.
November 24, 2024
World's First and Only Nagamese Newspaper
Add Comment