TNT News | Shillong, Oct 24, 2018: Tuesday din East Khasi Hills Mawmaram te ekta 40 sal manu jhokom paishe etu bi tai laga matha te ekta tan chiniz pora mara pichede.108 pora khobor diya hisaab te etu manu Fullmoon Syiemlieh ke raasta te girikena paishe manu khan pora 6:44 nishena te Tuesday te .Tai ke kunba pora mara ase koikena suspect kuri ase .Etu jhokom paa manu ke NEIGRIHMS te rakhikena ase.Aro ekta chamela te ekta 27 sal juwan chokra ke najana manu khan pora tai ghor te wapas jaa time te tai laga saathi ghor pora Tuesday te marishe.Etu chokra laga naam toh Sophiul A Marak jhokom paikena thakishe aro suku aro haath te kataa laga daagi thakishe .Tai laga thengh te bi jhokom paikena thakishe .Tai ke etu huwa pichede Williamnagar Civil Hospital te luijaishe Rongjeng base 108 Ambulance pora .
Accident chamela
Umsning bypass Tuesday din te chamela huwa te ekta raasta te accident huwa te duita manu jhokom paikena thakishe. Rr Raju Giri (38) aro Ram Chandra Joshi (35) toh Bolero gaari AS01 A U 5355 te berai thakishe etu time te tai khan accident hoishe tai khan laga gaari ekta truck gaari te marikena Umsning Bypass Road te .Etu gaari te duijun manu thaka bi jhokom paikena Umsning CHC te 108 Umsning Base Ambulance pora luijaishe .
Add Comment