Meghalaya te ILP nemite aro protest soruh

April 17, 2021. Confederation of Meghalaya Social Organisations (CoMSO) pithor te 17 organisations samil thaka khan para Friday din Shillong te Inner Line Permit (ILP) bonaboli samai thiri lowa nemite protest korishe. Friday din laga protest te CoMSO general secretary, Roy Kupar Synrem para koishe, etu protest kora toh state government para state te ILP bonaboli kam nakora nemite thakishe. “CoMSO para government logot tangor warn thishe ke, Meghalaya te ILP nabonaile state te indigenous manuh khan para civil secretariat te jaikena office toh locked kori thibo,” koikena Synrem para janaishe. “ami khan laga elected representatives para manuh laga kotha naloile ami khan nemite kam nai aro state te laws para manuh ke pachaboli lage,” koikena CoMSO leader para junaishe. Jodi Meghalaya te be dosura 4 northeast neshina- Arunachal Pradesh, Nagaland, Mizoram aro Manipur te ILP toh bonaile, state toh Citizenship (Amendment) Act (CAA) para bahar olaijabo. ILP toh official travel document ase aro etu para Indian citizen ke ekta jaga te limited samai thakibo pareh. CoMSO para etu nemite 2019 saal para protest korikena ahi ase. Meghalaya Governor Satya Pal Malik para be etu kotha nemite koishe hoilebi itya dak ek khobor nai. CoMSO kahn para Covid-19 bemari thaka nemite besi moina silence thakina ahishe, hoilebi jowa saal November moina para aro Meghalaya jaga sob te black flag protests kora soruh hoishe. CoMSO leader khan para National People’s Party-led Meghalaya Democratic Alliance (MDA) government logot warn korishe ke, jodi ILP toh jolti te naponaile state pura te protest soruh koribo koishe. State te BJP logot tuita(2) MLAs toh MDA government logot ase aro 1 jun legislators aro Alexander Laloo Hek toh Health Minister ase  koishe.