Agencies:
Sources koishe ke Dalu constituency para 2018 assembly election te hissa luwa independent candidate Moromi K Marak toh Saturday din te National People’s Party (NPP) te meli jaishe.
Sources koishe ke etu kotha opor te press note bhi dishe. Press note te koishe ke Moromi toh Home Minister James K Sangma, local MLA Brening A Sangma, local MDC Kurosh Marak aro purana MDC Apurba Marak thaka samay te NPP te melishe.
Moromi koishe moi Conrad K Sangma opor te pura bisas ase. State toh tai thaka samay te bhishi uthi jaishe.
Moromi aro koishe kea mi khan laga chief minister (CM) para sob manu aro sob samasiya opor te saa laga government banaishe. Aro etu government toh sob society te thaka manu khan nimite chinta kura government thaka dekhaishe. Tai laga ek saal samay te CM para sabit (prove) kurishe ke Meghalaya bhi sapna dangor kuribole pare. Aro tai para state toh chola samay te state te bishi bhal hoishe aro uthishe.
Party te suwagat (welcome) kora samay te James K Sangma koishe ke tai toh party te melia toh party nimite bishi bhal hubole ase. Ami khan bisas kuri ase ke tai toh party ke aro bishi majbut (strengthen) kuri dibo. Aro NPP laga samachar (message) maiki khan logote pungchabole nimite tai laga bishi dangor haath thakibole ase.
Add Comment