September 26,2020: Mawnei Meghalaya’s East Khasi Hills district te dangor landslide hoi kena duita maiki cricketer toh murishe aro dusra tinta toh harikena ase.
Etu landslide toh paani bishi girikena hoishe state te akhri choi din bithor te. cricketers Razia Ahmed and Ferozia Khan laga body toh mati bithor te paishe . Razia Ahmed toh state nimete national level te khelishe.
East Khasi Hills district Superintendent of Police Sylvester Nongtynger koishe kaam khan chuli ase etu harijuwa manu khan ke bachabole nimete.
Meghalaya Cricket Association general secretary Gideon Kharkongor koishe Razia toh state ke alag alag national tournaments 2011 para 2012 tak represent kurise.
Olop akhe Thursday te duita workers police khan para kaam diya toh etu mati sapha kuribole nimete tai khan laga shillong quarter te Thursday din te murishe.
Landslides toh state laga alag alag areas te olaishe aro PWD workers khan kaam kuri thakishe etu mati toh sapha kuribole nimete.
Riangdo-Bamil road, at Mawshynrut- Thaiem and the Mawshynrut-Hahim road laga ekta portion toh biya hoishe etu para West Khasi Hills district laga traffic movement biya kurishe.
South Garo Hills toh West Garo Hills Thursday din para bondh thakishe etu bi Dumnikura wooden bridge NH-62 te thaka toh etu duita district logote connect kurikena paani para luijaishe.
Add Comment