April 23, 2021. Tangor kamyaab howa te Meghalaya police para notun Assam-based extremist group, National Liberation Front of Bodoland (NLFB) laga top leader ke West Jaintia Hills district para thurishe koishe. Jaintia Hills district, te NLFB manuh khan thaka khobor powa nemite Meghalaya police para pesaria te Jotish Daimary (42) ke West Jaiñtia Hills district, Amlarem jaga te thurishe. Police para 6 mobile phones. 3 smart phones aro 3 keypad phones aro etu oper te gari ekta AS-01 AE 4845 aro dosura documents besi tai hath para paishe. Daimary toh National Democratic Front of Bodoland (NDFB) laga former member ase aro tai January 2020, te Centre logot Bodoland Territorial Region (BTR) te 4 NDFB factions aro All Bodo Students’ Union (ABSU) logot signed kora nemite tai para bantok jarishe. Tai para NDFB toh 2009 saal te joined korishe aro Meghalaya’s South West Garo Hills district osor Mahendranj jaga para Bangladesh te arms training jaishe. “itya ami khan para tai logot Meghalaya te kaun khan ase kaun jaga te ase etu sawal kori ase,” koikena police official para koishe. Daimary toh of kidnapping, murder aro dosura criminal kam nemite West Jaintia Hills aro Ri-Bhoi district te wanted ase koishe. Daimary ke Ri-Bhoi police logot criminal cases registered te wanted thaka nemite thishe,” police officials para koishe. Tai toh international border te arms nemite kam thakina jai thaka samai thurishe, koikena senior police officials para janaishe.
Meghalaya te NLFB laga top leader thurishe
