Regional

Meghalaya’s East Garo Hills te May 7 para lockdown

May 7, 2021

May 7, 2021. Covid-19 bemari halat saikena Eat Garo Hill district administration para lockdown toh May 7 darik para loikena May 105 am dak thakiboli junaishe. Thursday din East Garo Hills district magistrate para koishe ke, etu fesla lowa toh hoile Home (Political I Department, Government of Meghalaya Order vide No. POL.75/2020/Pt.I/94, dated 5th May, 2021 aro desh te COVID-19 bemari thaka nemite ase koikena janaishe. Lockdown toh hoshari neum jolaboli nemite aro COVID-19 bemari phela rokabo nemite Garo Hills te thakliboli ase koishe. Order te koishe, “ami Swapnil Tembe, IAS, District Magistrate, East Garo Hills District, Williamnagar para 144 Cr.PC section pithor te aro Regulation 3 of the Meghalaya Epidemic Diseases, COVID-19 Regulations, 2020 te thaka neshina hafta pura LOCKDOWN toh 7th May, 202110:00 PM par loikena 10th May, 20215:00 AM dak thakibo.” Etu lockdown samai, essential services aro health services jarikena dosura gari eku naperabo. Inter- state pithor te gari aro manuh peraboli mana koribo. District jaga pura te markets toh hafta pura Lockdown thakibo, hoilebi tawai dukan toh kulibo. Banks, postal services aro private offices bondh thakibo, Restaurants, liquor shops, aro cafes be bondh thakibo koikena order te janaishe. Health services neshina vaccination kam, essential services viz. Food Corporation of India, electricity, water supply, security, municipal services, fire & emergency services, NIC aro telecommunication services toh lockdown samai bondh nathakibo. Essential goods, print & electronic media, farming activities, officer aro Corona Care Centre staff, aro COVID-19 duty officials khan toh restriction nakoribo. Pharmacies, clinics, nursing homes, hospitals, medicals laboratories nemite eku restriction nathakibo aro Petrol pumps kula thakibo. “hoilebi, dosura restrictions aro kam toh pulai order te koikena thaka neshina jai thakibo. Aro Saturday & Sunday te essential goods, transport aro emergency nemite kula thakibo,” koikena order te janaishe.