Meghalya te lawyer ekta napaikena ase

October 26, 2018:Ek mota kun ke bodnam kurishe tai laga maiki ke muraidikena   tai laga body toh ceiling hang kuridiya suicide kura nishena dikhabole nimete loikena ase post mortem noloa akhe  te .Etu muraidiya manu laga naam toh  Jahirul Islam Sarkar lawyer laga kaam kura manu ase  .police khan chan bin kura dikhekena etu lawyer toh lokaikena thakishe  etu khandan manu victim (Rajia Sultana) court te jaishe CID inquiry mangikena nohoile toh  pora sabole ase  CBI ke sabole dibole lageh  .Etu  hadsaa toh  Old Bhaitbari bosti Phulbari PS bithor te hoishe .Aro etu case toh etu murijaa maiki laga ama  pora  Hallidayganj PS West Garo Hills bithor te  October 2 te file kurishe  .Etu maiki ke biya pora muraishe October 1 te.FIR laga hisaab te  etu victim  Rezia Sultana Begum, toh sarkar logote 7 sal pora shaadi hoikena thakishe .Dui jun poila te bi shaadi kurikena thakishe   .Rezia logote duita bacha thakishe poila laga shaadi pora –Etu sarkar janikena thakishe  shaadi nohoa akhe pora .Sarkar laga akhe wala maiki toh  Patharkata Phulbari PS bithor thaki ase .Etu maiki laga khandan khan aro police khan ke bodnam kurishe etu case thik thak pora chan bin nakura nimete .Tai khan aro sawal uthaishe kinika kurikena  etu Jahriul room te ekla hi thakishe   etu chamela huwa time te etu time te tai laga  nijor ghor manu ke bi ghussibole nadia toh.Eyewitness khan kuwa hisaab etu room sarkar aro etia laga maiki thaka toh chotu hi ase aro Sarkar koishe tai 3 am nishena te uthise ghusul kurikena namaz pudibole nimete .Etia sarkar laga anticipatory bail dibole court khan pora mananai.