IMPHAL, March 4: Manipur laga meitei jaat khan nimite Scheduled Tribe status mangi kena Scheduled Tribe Demand Committee (STDC) pora Sunday te ekta dangor protest rally manaise.
Etu rally te kotha korikena, STDC leaders khan pora koise ki Meitei jaat khan ke ST category laga nijete haliya pora bahar laga illegal immigrants pora suraksha koribo.
STDC general secretary K Bhogendrajit pora koise ki committee pora jowa choi saal te Meitei khan ke ST list te halibo nimite demand kori thakise.
Hoilebi BJP government aro state laga jowa Congress sorkar khan pora etu kotha toh Centre te loi jabo koikena phabana bi koriya nai, Bhogendrajit pora koise.
State bithor te ST category te nahaliya indigenous manu khan majote khali Meiteis khan hi ase, aro etu pora tai khan toh besi khatra te ase, tai pora koise.
Etu committee pora pohoila sob political parties khan ke chetauvnee dise ki juti tai khan laga iccha puri koriya nai koile, tai khan sob ke boycott koribo koise.
Democratic Students Alliance of Manipur (DESAM) laga Vice-president, N Edison pora koise ki konoba saal bithor te Meitei khan laga socio-economic halat besi biya hoise.
Tai pora koise, “etu jaat ke pajaibo laga khali ekta opai toh, tai khan ke ST list te hali dibo laage.”
Add Comment