Imphal, August 10 : May 3 te Manipur laga Churachandpur district te huwa gang-rape laga connection te Bishnupur Women Police Station te ekta FIR register kurisey.
FIR file kora hisap te etu ghotna tu Manipur laga Churachandpur district laga Khumujama Leikai te May 3 laga 6:30 pm fale hoisey.
Ekjun Meitei maiki para May 3 te tai aro alag manu khan Churachandpur te thaka taikhan laga ghor para polabole kosis kora homoitey taikey kunba Kuki jati laga badmash khan para gang rape kurisey koikina complain kurikina ekta report file kora pichetey etu FIR tu register hoisey.
FIR register kora pichetey, etu maiki laga ekta medical examination(gao check up) kurisey.
Agey barikina etu janibole parisey ki Bishnupur laga Women Police Station para agey laga investigation kuribole nimitey Churachandpur Police Station ke FIR tu forward kuridisey.
IPC laga u/s 376-D/354/120-b/34 laga under te ekta case register hoisey.
Add Comment