Medziphema, 6 August 2025: Nagaland University laka School of Agricultural Sciences (SAS), Medziphema Campus te, maiki khan duita sal pora Mekhela Wednesday observe kuri thake. Etu ekta therapy nishina hoishe – midweek te ekta ritual juntu manu laka mon bhal kori dei, jodi kunba time karone bhi,kitia mahila khan ekta sath ahikena picture tulibo.
Mekhela Wednesday Wednesday ekla te mekhela pora aru Instagram/Facebook te picture upload kora nohoi — etu ekta dangor message ase. Ekta powerful story ase juntu etu movement ke bhal pora age loijai thake.
Main idea hoishe: Mekhela Wednesday ekta office laka initiative aru ekta mission-driven movement ase — juntu traditional weaving laka skill ke bachabo aru weaver khan laka livelihood ke support kuribo nimite shuru kora hoishe. “Jitu somoy ami mekhela poribo, tai ami kine bhi thake – aru jodi ami kina thake, tai ami weaver khan ke support kuri thake. Sob te important hoishe ki ami traditional loin loom weaving ke bachai thake,” Prof. J. Longkumer, Associate Dean of Students koishe. Tai eneka bhi koishe: “Mekhela Wednesday pora amikhan laka majot logot bonding bhi bishi bhal hoishe.” Campus te thaka maiki khan – teachers, guest faculty, women scientists, aru project assistants mili kena ekta WhatsApp group bhi cholai ase, juntu naam hoishe “SAS Super Girls.”
6 August 2025 te, ekta mini exhibition-cum-sale rakha hoishe campus te, support dibo karone ekta notun aru chotu business ke – “the_perfect_weaves”, juntu duita sisters aru char sister in law pora, Naga United Village, Chümoukedima te chulai thake. Etu group 50 ta mekhela bonaishe ekta exhibition karone, kintu exhibition last moment te cancel hoi jaishe, juntu karone tai bishi tension te chulai ase. University pora tai invite kurishe tai laka kapra display aru sale kuribo karone. Etu event ekta happy lunch break event bani jaishe, kitia campus te thaka maiki sob ekta sath ahikena tai khan ke support aru encourage korishe. Etu simple hoile bhi dangor meaning thaka event hoishe, juntu Medziphema Campus te thaka maiki khan traditional handloom artisan khan ke directly support kuri bole. Mekhela toh sirf ekta kapra nohoi — etu ekta jori kina taka ase past logot, present aru future logot. Etu ekta identity ase, ekta culture ase, aru etu ekta sisterhood ke represent kore
Add Comment