Melbourne: Friday din Melbourne Cricket Ground (MCG) te second T20I khela Austrailia aro India majhotte rukhi jaishe paani bishi gira nimete .Etu huwa karne Austrailia khan etu series toh 1-0 pora lead kuri ase Brisbane te jita pichede aro India khan kosish kuribole ase etu series toh 1-1 kuridibole karne .Etu T20 laga final match toh Sunday din Sydney te khelibole ase .India khan toss jitikena feild kuribo koise.Tai khan etu bishi bhal pora shuru kurishe Bhuvneshwar Kumar pora tai laga akhe wala over te Aaron Finch ke out kuridishe .Etu pichede Khaleel Ahmed bi bhal pora bowl kurikena Chris Lynn (13) aro D’Arcy Short (14) ke out kurishe .Etu uporte Wednesday din te 46 runs bona manu Maxwell (19), bi bhal pora khelanai .Austrailia laga final over time te paani giri jaishe .Etu time te Ben McDermott (32) aro Andrew Tye (12) out nohoikena thakishe .Etu pichede paani gira nurukhai thakishe etu karne etu khel toh rukhijaishe.
Add Comment