December 13, 2023 : Meluri laga first Meluri Winter Fest thakishey dui din karney, 11th aru 12th December 2023 tey, theme thakishey “FOSTERING ONENESS” aru itu fest toh loishey Meluri laga local ground para. Itu program toh initiative loishey ADC Meluri Albert Ezung para, aru organised kurishey District Administration & Police para taikhan logo collaborate kurishey Head of Office Meluri, Village Council Meluri, Meluri Public Area Organisations (MAPO), Muluori Shefuri Kugharu (MSK), Muluori Kuchienyiri Kugharu (MKK) Women Welfare Society Meluri Town, Meluri Town Business Union(MTBU), aru Joint wards co-ordination committee(JWCC)
Itu inaugural session tey Special Guest thakishey Chonpa Jurry, President Pochury Hoho. Jurry para kushi janaishey aru appreciation teishey ADC Meluri aru organisers khan ke eneka sundor fest Meluri aru Pochury tey rakhai. Tai para organizers khan ke congratulate kurishey, eneka example set kura karney.
Aru bhi, ADC Meluri Albert Ezung para tai laga key note address tey mention kurishey ki itu first ever winter fest toh bahar manu khan karne ekta opportunity hobo, Pochury community aru tai khan laga culture janiboley. Tai kushi paishey ki Government of Nagaland para Meluri toh alag kuri kena state nishina acknowledge kuri thakey, aru hope kuri asey ki juldi itu community laga desire tu pura hobo.
Special number present kurishey, Kutsiasie Kajiri aru Alpha Music Academy para. Temjen Aier, Pastor, Meluri Ao Town Baptist Church bara Isor laga blessings invocked kurishey. Itu inaugural session tu chaired kurishey EAC Meluri, Sakuchingmak Chang.
Add Comment