Austria, 16 January : Toto Wolff para ekta three-saal contract sign kurishey, Formula One outfit Mercedes laga team principal aro chief executive nishna thakiboley Monday dey. Itu Austrian, kun Formula One team laga ekta one-third share own kurey, itu notun agreement janai dishey, fellow shareholders INEOS aro Mercedes-Benz logot ekta meeting thakia piche dey. Wolff para itu operation laga din-para-din run kuria toh 2013 para luina sai asey. Itu 52-saal para Mercedes ke eight successive Constructors’ Championships tak lui jaishey 2014-21 tak. Mercedes toh Red Bull laga piche runners-up khotom huishey 2023 dey aro taikhan laga star man Lewis Hamilton toh third ahishey drivers’ championship last term dey.
“Mui nijor ekta shareholder nishna, investment dey mui sobse bhaal return luwo mun asey. Aro investment dey sobse bhaal return toh jitia asey,” Wolff kuishey Daily Telegraph ke Monday dey.
“Mui ekta position dey thakiboley kosis nakuribo kuntu mui laga phabna dey kunwa manu mui logot bhaal kuribo.
“Mui karney risk toh bishi par toh burnout nahuina bore-out asey. Aro itu karney aji thakia challenges khan ke mui embrace kurey, kitiaba itu khan manage kuriboley bishi diktar huilewi.”
Itu announcement para speculation khotom kuri dishey team principal role karney Wolff laga future upar dey.
Team para Monday dey confirm kurishey ki taikhan 2024 karney notun gaari unveil kuribo, kuntu Hamilton aro George Russell para chulawo, Silverstone dey February 14.
Add Comment