Messi duita goals score kurishey, Inter Miami jeet te notun MLS record set kurise

Florida, 14 July : Lionel Messi laga record scoring streak Major League Soccer te aro dangor korise juntu Saturday raat Fort Lauderdale, Florida te host Inter Miami taraf te Nashville SC upar 2-1 laga jeet te dui ta goal marise. Messi laga etu dui ta goal Inter Miami ke help korise (11-3-5, 38 points) Nashville laga club-record 15-match unbeaten streak sab competition te toribole, juntu April 19 te Seattle logot haar paise pora prothom bar hoise. Messi MLS match te paanch baar lagatar dui ba tar beshi goal marise — juntu ekta league record ase. Inter Miami, Nashville logot laga last paanchta match te 4-0-1 record rakhise aru MLS te lagatar paanchta match jitise. Miami PSG (Paris Saint-Germain) laga June 29 te FIFA Club World Cup round of 16 te eliminate korar pora lagatar tinta match jitise.