Messi laga fan stadium laga carpet othai kena loi jaishe

December 14, 2025: Kolkata te Messi laga tour karne ahei piche jamala beshi olai jaishe Saturday te. Fans khan kun puisa tera kena Messi ke sabole ahei khan beshi gosa hoi jai she tai ke nade khei toh. Messi ground te ahei homoi te politicians aro dangor officials khan para he tai ke gorai loishe. Aro alak manu khan eku be dekhi bole parei nai. Fans khan protest kurei shuru hoishe aro tai khan laga reaction toh violent hoi jai she. Messi jai ja piche te manu khan bottle, chairs khan pheka shuru hpoishe. Aro banner khan phatai de thakeshe. Ekta fan toh stadium laga carpet toh komor te rokahi kena jai thakeshe. Ticket laga dam compensate kurebole karne koishe tai. Etu fan para koishe ki tai Rs 10,000 terai she ticket karne, aro tai Messi laga shakal be dekhe nai, khali politician laga shakal he dekhe she koishe. Tai etu carpet loi kena practice kurebo koishe. Hyderabad te toh beshi alak thakeshe. Hyderabad laga tour toh beshi bhal para jaishe. Raji Gandhi International Stadium toh full thakeshe. Messi tai laga skills khan dekhai thakeshe.