Kolkata, December 13, 2025: Messi laga fans khan kun Rs 5000 tera kena tai ke sabole aheishe Kolkata te. Manu khan gosa lagei kena jamala olai jaishe. Manu khan moina moina rukhe thakeshe tai ke sabole hoile be Messi toh 10 minute karne aheshe aro jai jaishe. Etu karne Viveknanda yuvabharati Salt Lake stadium te manu thakei khan toh gosa lagei she.
Manu para koishe ki Messi ahei logo te politics manu khan, officials, celebrities aro camera man khan he tai ke gorai loishe. Tai laga osor te manu beshe hoi toh tai laga security khan para tai ke ground te bara bole de nai. Etu karne alak manu khan logo te lokpabole parenai. Staduim te tension beshe olai jaishe Messi 10 minute piche olai ja toh. Manu khan bottle khan pheka shuru hoishe. Aro saman kum ba bei hoi jaishe. Etu karne security khan protest toh rokhabole olai jaishe.
Ekta fan para koishe ki dangor manu khan aro acting kurei manu khan he tai ke lok pabole pareshe. Tai para aro koishe ki kile tai khan ke mati she. Aro tai khan ke kile Rs 12,000 phekabole deshe. Tai laga shakal be sabole parei nai koishe tai.
Alak fan para koishe ki Messi toh ekta kick be mari nai ball te. Aro Shah Rukh Khan ahebbo ko be ahenai koishe. Etu sob fraud thakeshe koishe utu fan para. Manu beshi laga puisa aro time waste kuredeshe koishe.
Add Comment