New Delhi, 7 April : Kiara Advani tai nijor actor-husband Sidharth Malhotra logot milikoi tai laga prothom bacha welcome koribo lagi ase. Report hisab te, actress tu etu saal Met Gala te debut koribo.
Last saal Cannes te, Kiara “Women In Cinema” panel laga ekta hissa thaki she. Itu panel tu Red Sea International Film Festival logot milikoi host kora hoisey, aru La Plage Des Palmes te hoisey.
Kiara Advani itu event te ekta elegant orange ruched gown pori attend korise, juntu golden earrings logot accentuate kora hoisey. Tai laga bal tu braided updo style te middle parting logot set kora thakise.
ICYDK, couple duijon last month pregnancy announce korise. Tai khan ekta picture share korise juntu te duijon white baby socks dhori thaka dekha jai ase.
Kiara aru Sidharth February 7, 2023 te biya korise. Tai khan laga biya tu Jaisalmer, Rajasthan te ekta intimate aru dreamy affair thakise, juntu te Karan Johar, Shahid Kapoor, Mira Rajput aru Manish Malhotra bhi attend korise.
Kiara etiya Yash logot “Toxic” naam laga film shooting korise, aru tai Hrithik Roshan logot “War 2” te aru Ranveer Singh logot “Don 3” te bhi dekha dibo. Dusra haat te, Sidharth tai laga project “VVAN: Force of the Forest” last year announce korise, juntu ekta folk thriller hoise aru etu saal November te release koribo.
Add Comment