US, 30 April 2025: Met Gala 2025 ekdom ahibole ase, aru fashion laga fan khan bishi excited ase. Metropolitan Museum of Art te hobo, aru etu saal laga theme ase—Superfine: Tailoring Black Style—jate ki bold fashion statement aru cutting-edge style dekhibole paribo. Official guest list to kini ka bhi confirm nohoi, kintu Deuxmoi report hisap te bhal bhal naam khan already speculate kurishe.
Joey King, Miranda Kerr, aru style icon Chloë Sevigny bhi ahibo koi ase. Musician Clairo bhi expect kori ase, juntu nijor unique style laga anibo. YouTuber aru red carpet favourite Emma Chamberlain bhi wapas ahibo koi chance ase.
Hollywood superstar khan,Nicole Kidman aru Zoë Saldaña bhi report kurishe Met laga step upor dekhibole paribo. Monica Barbaro, Damson Idris, aru Malcolm Washington bhi list te ase. Filmmaker Janicza Bravo aru actress Jodie Turner-Smith bhi fashion world te impact anibo koi ase. High fashion represent kuribo nimite Somali-American model Ugbad Abdi bhi expect kori ase.
Pop singer Sabrina Carpenter Louis Vuitton pora dress kori kina ahibo koi ase, aru Natasha Lyonne Vogue laga guest hisap te ahibo. Aru Zendaya, Hunter Schafer, Suki Waterhouse, Jaden Smith, Henry Golding, aru NFL star Joe Burrow bhi Cartier laga side pora attend kuribo koi aase report te.
Etu saal laga ekta historic moment hobo, karon Bollywood superstar Shah Rukh Khan reportedly Met Gala te debut kuribo, Sabyasachi laga design dress laga side pora. Jodi confirm hoile, tai hobo first Indian male actor jun prestigious Met Gala red carpet te walk kuribo—ekta proud moment sob fans khan karone.
Add Comment