New Delhi, May 15 : Ajikali, Bollywood actor Alia Bhatt tu popular events, including Met Gala 2024 te lagatar akarsit kuridikina mojud huwa nimitey duniyabhor para attention pai asey. Aro enaka kurikina tailaga naam tu Blockout 2024 list te olaisey, kuntu te duniya laga dusra famous manu jaiseki Priyanka Chopra aro Taylor Swift laga naam khan bi asey.
Alia tu Gaza laga situation te chup thaka nimitey nijor ke ekta dangor hoithaka jhamila laga majotey fasisey. Etu mamla tu tai para May 6 te Sabyasachi laga ekta sundoor saree pindikina etu saal laga Met Gala te manu khan ke impress kuridiya picheyte ahisey. Alia Bhatt tu Met Gala picheyte aro ekta international event : Gucci Cruise Show 2025 attend kurisey kuntu tu May 13 te London te hoisey.
Alia Bhatt laga opor te Gaza laga situation ke loikina eku nukuwa nimitey janibujikina galat laga saath diya aro manu khan laga attention ke Israel-Gaza majotey larayi chuli thaka fale noloija laga iljam lagaisey.
Celebrity blockoutlist te Virak Kohli, Priyanka, Kim Kardashian, Taylor Swift, Beyonce, Kylie Jenner, Zendaya, Miley Cyrus, Selena Gomez, Ariana Grande, Demi Lovato, Kanye West, Katy Perry, Zac Efron, Nick Jonas, Kevin Jonas, Justin Timberlake aro dusra khan bi shamil thakisey.
Add Comment