Mexico, 22 November 2026: Ekta Mexican drug lord kun FBI laka 10 sopse wanted list te thaki shey taike dhuri shey shoot-out hoi kina Mexican authorities lokot. Fausto Isidro “Chapo Isidro” Meza Flores aro alak sath jun ke detained kuri shey Mexican special forces pra Gausave, Sinaloa te Friday din te, Mexico laka defence secretariat pra janai dishey. Satha suspects ke murai dishey operation te, tadeh charta member thaki shey Mexican army laka kun travel kuri thaki shey security reinforce kuribo leh Gusave te, secretariat pra koishey. Meza Flores toh wanted thaki shey Mexico te organised crime charges opor te, tadeh taike accused kuri shey US flood kura fentanyl, cocaine, heroin aro alak deadly drugs lokot FBI pra. US khan tai laka extradition mangi ase. Mexico taikhan laka efforts step up kuri shey drug-related crime tackle kuribo leh pressure under te ahi kina US president Donald Trump pra tai White House te ahi kina.
Mexican drug lord FBI laka 10 sopse wanted list te dhuri shey








