Mexican musical icon Armando Manzanero COVID-19 para morishe

MEXICO: Iconic Mexican composer Armando Manzanero 85 umer, besi din COVID-19 bemar hoikena Mexico City Hospital te morishe. Mexican outlet, El Universal para koishe, legendary music bona manuh toh December 17 darik hospital te admitted korikena thakishe. Latin Recording Academy para legendary composer mora toh janaishe aro tai laga gaana toh artists Elvis Presley, Dionne Warwick aro Luis Miguel khan para kori thakishe. Academy para koishe, “Armando Manzanero para Musical Excellence Award be paishe aro Latin Grammy jetishe. Ami tai laga life aro kam toh celebrate korishe. Latin music world mora toh besi tangor nokson ase”. Manzanero ke 2001 sal te Latin Grammy awarded thishe aro 2014 sal te Lifetime Achievement Award be thishe. Mexico te Society of Authors aro Composers para Manzanero ke “tai khan laga samai te sobse tangor artist aro Mexico laga romantic soul” ase koishe. Mexico President Andres Manuel Lopez Obrador para statement te koishe, “Armando Manzanero toh sensitive manuh aro manuh nemite tangor manuh, etu nemite tai mora oper tem on dukh ase. Tai toh besi tangor composer thakishe”. Manzanero ke  Mexico City te ropapo aro tai laga ghor Medira te loikena jaboli ase koishe.