March 31, 2024: Mexican authorities para teetha suspect keh arrest kuri shae ath sal maike laka murder deh. Murder hua tho gusa taka mob para ekta maike keh lynched kuri shae, kun crime karne accuse hui nah taki shae. Etu hua piche deh police para utu teenjun keh arrest kura ase. Etu incident tho Taxco laka tourist town deh hui shae.
Saturday din deh ekta mota aro ekta minor arrest hui jai shae “femicide laka crime karne”, Guerrero state prosecutor para ekta press conference deh kui shae. Taikan lokot deh aro ekjun keh arrest kuri nah ataki shae etu eki nishi nah charges deh.
Maike laka kandan kan anonymous telephone calls pai taki shae. Call kura manu kan ekta ransom mangi taki shae, maike tho Wednesday din deh hara piche deh, Mecian media para report kuri shae ekta relative manu keh quote kuri nah.
Thursday din deh residents kan para Taxco laka ekta main rasta block kuri di shae, bacha laka body tho ekta highway deh pah piche deh. Security footage para suspects kan ekta gari deh ekta kala bag dala dikai taki shae. Etu bag laka pitor deh maike laka body ase kuji nah suspicion ahi jai shae.
Mob tho ekta ghor laka bahar deh jama kuri shae, kuteh ekta maike aro tuita moto taki shae. Mob tho justice demand kuri taki shae. Mob para utu teenjun manu keh joborjost bahar deh tani shae aro gasoline talio shae taikan laka upor deh. Etu heh nahoi nah lathi para b mari shae.
Maike tho muri jai shae aro alak tuita mota tho hospitalized hui jai shae.
Add Comment