Monterrey, 12 October: Thursday din Mexican city laga Monterrey jaga deh shopping mall bonai thaga khera (collaps) karni seven jun moraidese aro tusara nine jun harai kena ase koi kena officials pora janaise. Press conference deh local council secretary Genaro Garcia pora kowah toh, 15 manu jokhom paise aro sob manu mora aro jokhom powah toh constraction workers ase pari biswas kori ase. Authorities pora kowah toh, Nuevo Leon state deh etu northern industrial hub bona toh licence nathaki kena bonaise. Civil defence officials pora photo lowah deh dekha hesab deh, emergency personnel khan pora jokhom powah manu khan ke ola thakise. 150 emergency personnel pora be besi manu khan pasha (trap) kena ase na-nai sha thakise. Thursday rathe civil defence office pora janaideya toh nine manu khan etya tak be harai kena ase.
Mexico deh shopping mall bonai thaga khere kena 7 jun moraidese
Add Comment