Mexico laga ArcelorMittal Plant te COVI-19 para 21 manuh morishe

Mexico:  July  27, 2020. Saturday din te, steelworkers’ trade union para koishe ke, Mexican port city of Lazaro Cardenas te, ArcelorMittal laga steel plant ekta te 21 kam kora manuh khan COVID-19 bemari para morishe koishe. Manuh mora pithor te plant laga employees, contractors aro suppliers khan thakishe koikena local branch of the national mining and metallurgical workers’ union laga secretary general Carlos Solorio, para janai thishe. “manuh khan sob tuh company nemite te kam kuri thakishe” Solorio para Reuters ke koishe. Nou(9) jun manuh tuh union members ase koishe. ArcelorMittal tuh duniyaa te sobse tangor steel producers ase aro etu samay manuh mora oper te khobor eku kowah nai. Union laga President, Senator Napoleon Gomez para social media te video posted kurikena public khan ke junai thishe koishe. Solorio para koishe ke, 21 mauh tuh April moina te mora ase aro kam kura manuh khan logot virus tuh plant bahar para lakai ase, etu nemite firm para strict sanitary protocols bonaishe. Union hesab te plant te employs khan tuh 7000 oper ase koishe. ArcelorMittal para koishe ke, Lazaro Cardenas tuh Pacific coast laga sobse tangor port ase aro virus ke saikena motob thiboli  nemite donations kuri ase koishe. Saturday din dak te, beamri cases tuh 385,000 paikena ase aro 43,500 neshina manuh morikena ase. Mexico tuh duniyaa te coronavirus para manuh mora te fourth-besi wala ase. Lazaro Cardenas te 2,651 bemari cases registered ase aro etai dak te 139 manuh morikena ase koikena official laga data para thikaishe.