Mexico City, Mexico: Monday din Mexico te AstraZeneca aro University of Oxford para coronavirus vaccine bona toh desh te emergency samai jolaboli manishe. Tai desh te Covid-19 bemari para manuh mora toh duniyaa te besi howa desh ekta ase. Deputy health minister Hugo Lopez-Gatell para Twitter te junaishe ke, Mexican regulators khan para vaccine toh manishe aro etu vaccine toh Britain, India aro Argentina desh para be jolaboli manikena ase. Lopez-Gastell para koishe, vaccine toh March moina para paijabo. “private entities laga vaccine bona oper te ase” tai para hotai din conference routine thaka samai koishe. Etu toh Mexico desh para tuita(2) wala coronavirus vaccine mania ase. December 24 darik para mass immunization program thaka samai Pfizer-BioNTech shot jolaishe aro first toh health workers khan logot thishe. 30,000 workers khan ke first stage te plan kora neshina thishe aro etu Sunday din para soruh hoishe, koikena government para koishe. Mexico te Covid-19 bemari para 127,000 oper manuh morikena ase aro 1.4 million bemari cases ase. Tai khan para AstraZeneca toh 77.4 million vaccine doses toh keniboli kotha korikena ase. Argentina logot melaikena British drugs giant para vaccine bonaikena Latin American desh te supply thiboli fesla loikena ase koishe. Etu oper te first samai te China laga CanSino Biologics toh be keniboli kotha ase. Government para promised kora te 129 million manuh logot desh pura te vaccinations toh free te thiboli koishe, etu oper logistical challenge te armed forces khan be samil thakibo.
Mexico para AstraZeneca-Oxford Coronavirus Vaccine manishe
