Mexico City: October 11, 2020. Saturday din te, Mexico government para junaise ke, COVID-19 vaccines chuboli World Health Organization logot $159.88 million thishe, aro etu COVAX plan agency pithor te thakibo. Etai duniyaa sob te desh khan vaccine supplies bapoli koriase. Global health agency’s COVAX Facility para chaka sob para bhal vaccines olaboli trials loiase koishe. Etu poisa deya para Mexico khan vaccine toh besi paikena, 125 million manuh thaka logot vaccine toh thiboli parebo koikena foreign ministry para janai thishe. Foreign ministry laga statement te kowa toh, government khan para “risk guarantee” loishe aro $20.6 million olaboli paperwork koriase, aro etu para vaccine supply toh paijabo koishe. Hoilebi, statement para second payment toh ketai thibo, eku khobor kowa nai koishe. Health Ministry laga hesab te, Mexico te bemari beya coronavirus cases toh 810,000 oper paikena ase, aro etu oper te 83,000 manuh morikena ase. Holibe bemari cases aro manuh mora khobor toh hosa te olop he ase, keli koile, tai khan para testing toh komti korikena ase koishe. Government para COVAX contract signed kora toh jaa moina te thakishe.
March 13, 2026
World's First and Only Nagamese Newspaper
Add Comment